食完午飯，媽媽急不及待的先帶逸逸去睇剛才曉曉去玩的機動遊戲，看得逸逸興高采烈，所以待我們收拾好行裝，就即刻去玩喇~
飛向天空的小魔術船EUREKA
以及在糖果村和甜餅村遊走的BOONG BOONG CAR
可惜只可以由一個成年人陪同乘坐，我知道媽媽都好想同逸逸一齊玩，只是怕逸逸中途要找我……
午飯後到了曉曉的午睡時間，妹妹向服務台借了嬰兒手推車讓曉曉在上面睡覺，其他人就可以繼續行程，逸逸大個少少會唔會都可以咁樣瞓覺？
我們一齊去左睇2PM開始的RIO SAMBA CARNIVAL PARADE，好熱鬧，而且佢最大的特色是有很多遊客參與係遊行當中。
逸逸睇到入晒迷
睇完巡遊，我地三家人就先分頭行事，按各自的喜好去玩一下。
適合逸逸的玩意很少，我們去到地下B1層見到有得坐船仔的DREAM BOOTS，逸逸一見到水就好興奮，可惜原來是有點刺激的兒童版滑浪飛船，唔夠高玩。
好彩我地剛剛見到DRAGON TRAIN小火車剛剛埋站，立即趕過去搭火車轉移逸逸的視線，依架小火車就是繞著B1層走一圈，如果唔係同逸逸一齊真係唔會玩。
之後我地上左3樓乘搭圍繞整個樂天世界走一圈的WORLD MONORAIL，不過因為天雨關係，所以只在室內範圍行駛，有點可惜。
其實我們都只是消磨時間，因為我的目標其實是3:00PM場次的LOTTY’S KIDSTORIA，我們玩到差不多2:50PM就去排隊了。
LOTTY’S KIDSTORIA其實是一個以童話故事為主題的大型PLAYROOM
熟悉的巨大版愛麗詩夢遊仙境、傑克與魔豆都係入面，連我地大人都好似入左巨人國一樣。
逸逸爬左上人也張床
仲有睇餐枱搞搞震~
仲有好多不同種類的動物以及植物，都可以讓小朋友自由的爬高爬低。
我地一齊坐車車
入面有一個區域有好多軟身的波波，可以係幾層樓高玩波波射擊，下面中庭位的人中晒彈，又有噴氣口將波波彈起，大小朋友都玩得好開心。
另外又有一個音樂ZONE，彈琴、彈結他、打鼓都可以。
其實依度仲有一個好似繩網陣的滑梯組合，反正是大型到根本我們不會讓逸逸自己進去，大一點的小朋友應該很喜歡。
逸逸不停的忙住周圍爬上爬落
又玩下短滑梯
睇下逸逸跳得幾開心~
我地玩左大約半小時，直到逸逸筋疲力盡步履不穩就先行離場了，沒有待到該節完場的時間。
依段時間爸爸媽媽去了參觀了民俗博物館。
又玩古時的遊戲，又試穿了韓國古代書生的服飾，看起來也很有趣。
邱氏一家則去了4樓的攝影棚，利用附設場景拍了很多美美的合照。
而且只有邱氏出了戶外的魔幻島呢﹗
我們約好了4PM在GARDEN STAGE集合，一齊出發去下一個景點了。