本來今天的計劃是上半天去橫濱麵包超人兒童博物館,下半天就在池袋逛街,結果離開橫濱的時候已經5:30PM,幸好在新高島站有直達車到池袋,不過來到池袋的時候已經6:20PM了。
雖然來過幾次東京,但還是第一次來池袋,目標是BIC CAMERA睇玩具同埋逛下SUNSHINE CITY。
我地都係BIC CAMERA逗留了一段頗長的時間,因為恆仔又睇下四驅車零件,我又想係度買生日禮物俾曉曉,最後揀左份充滿日本風情的壽司玩具套裝。
至於逸逸都玩得好開心,不停咁將波波放入去,重覆又重覆都樂此不疲。
樣樣都掂下都已經夠開心
買完玩具就向SUNSHINE CITY出發,不過目標已經由SHOPPING轉做搵地方食晚飯。不過係依度搵地方食飯一點也不容易,一來SUNSHINE CITY一帶有如旺角銅鑼灣一樣咁多人,很多食店要排隊,另一個是吸煙的問題,一進店就煙霧瀰漫當然也不是我們選擇之列。
結果找到了這家設有非吸煙區的ぱすたかん 池袋店。
店家都好貼心,見我們帶著小孩子,特地在我和逸逸坐的那一邊的鐵板上舖上濕毛巾,減低小朋友被燙傷的機會,不過逸逸基本上一入座就呼呼大睡直至離座。
沙律的味道不錯
除了沙律之外,我們點了兩份大阪燒、一份明太子煎蛋卷以及一份餃子。入座前已知是吃大阪燒及鐵板燒的餐廳,卻沒有發現原來所有熱的食物全部都是在自己面前的鐵板上烹調的。當開始看見生的食材開始陸續上桌,令我們越來越不知所措。
雞蛋、明太子、葱及白蘿蔔茸
兩大碗放有不同材料的生肉
四塊像紙皮的東西(原來是餃子)
我們靜觀其變,幸好店員很快的就過來為我們煎蛋卷。這個煎蛋卷超好吃,我還是第一次吃到將原塊明太子包在蛋皮入面的明太子煎蛋卷,平日大都只是將明太子碎甚至明太子醬包在裏面,原塊明太子加上雞蛋特別惹味。
煎好蛋卷之後,又有另外一位店員幫我們處理大阪燒。
店員會先炒肉,然後將碗內的配料攪拌好,再舖在鐵板上面…
之後就要靠自己了,不同種類的大阪燒有不同的處理方法,大家可以按照放在枱面上的指示處理。
至於餃子方面就等極都好似無人理咁,唯有自己按自己想像的方法,即直接放在鐵板上,因為皮和肉都很薄,基本上烤到金黃色就已經熟透可以吃了。
枱面放了計時砂漏,夠鐘就要自己處理下一個步驟,我抱住正在睡覺的逸逸,所以大阪燒就靠晒阿恆喇~
兩款大阪燒順利完成,望落都似模似樣。
在鐵板上切開就可以分著吃,味道都唔錯,有得食有得玩其實幾過癮,不過如果預知這個情況我們相信不會選擇吃大阪燒,就無左依個咁有趣的體驗了。
最後有個杏仁豆腐做甜品,飽飽。
吃飽飯之後,SUNSHINE CITY的店舖大部份都已經關門,在有殺錯無放過的情況下,都叫做逛左DAISO,好過無喇~
差不多番到酒店逸逸就瞓醒了,前往酒店這條通道會播放輕音樂,每次經過逸逸都會手舞足蹈的非常興奮架。
沒有吃大阪燒的逸逸,今天的晚餐是包包,食得津津有味。
依個小朋友好鍾意著拖鞋,著起大人拖鞋超級搞笑呢。