食完午餐一離開餐廳,又見到玩彈彈波的空地有卡通人物出來跟小朋友見面。
今次是螺旋麵包超人和蜜瓜麵包超人,我們立即衝番入去博物館,希望趕得及讓逸逸親近親近。
入到去之後,螺旋麵包超人已經唔見左,淨番蜜瓜麵包超人係度,後來仲見到埋咖哩麵包超人、麵包超人同埋方包超人添﹗逸逸只係好好奇咁望住佢地,但係完全唔敢行埋去。
逸逸情願玩彈彈波,仲要指定要爸爸同佢玩,媽媽同佢玩時佢堅持要番爸爸。
因為爸爸的玩法刺激得多,咁先好玩架嘛~
之後我地番去2/F,好似無今朝咁多人。
逸逸可以楂下車車
又可以參觀一下細菌小子的飛碟
仲有繼續係摸擬商店的樓梯上上落落,今次仲捐埋窿窿添﹗
見到有得做手工,逸逸俾我迫左入去玩~
今天的手工是麵包超人花冠,可以選擇以麵包超人、咖哩麵包超人或者方包超人為主角。職員提供了預先備好的剪紙,只要在合適的位置貼貼貼,再畫上眼耳口鼻就行,是很簡單的小手工。
逸逸畫畫,結果變左歪嘴麵包超人。這是逸逸第一次做手工,我好希望能夠將完美的麵包超人花冠帶回家,所以當逸逸將嘴畫歪了之後,其實我有少少覺得可惜。不過,後來冷靜下來就覺得這其實是逸逸的作品,在沒有危險的情況下當然應該放手讓她自己試,只要自己有份參予,才是有血有肉的紀念品。
回到香港之後,逸逸偶然在家也會戴起花冠來玩,還要強調逸逸畫嘴嘴,看看親自製作對她是如何重要。
做完手工,カレーパンマンのカレータイム(咖哩麵包超人的咖哩時間)快要開始了,我們早來到可以坐在第一行。下次再來的話一定要先上網站睇定演出時間表,就可以睇多幾場SHOW。
咖哩麵包超人出場喇~原來今日咖哩麵包超人要教各位小朋友煮咖哩呀﹗逸逸望住咖哩麵包超人的眼神根本就是小FANS的眼神。
煮咖哩要用什麼材料?逐樣逐樣話俾小朋友聽,我僅餘的日文詞彙又大派用場喇~
睇下逸逸睇得幾興奮﹗
咖哩煮好喇~
姐姐拎住咖哩俾小朋友扮試食,逸逸都非常投入。
最後是咖哩麵包超人抱抱時間
這時候的逸逸看起來還是非常期待的。
輪到逸逸喇…
逸逸竟然逃走
搞到咖哩麵包超人唔知點算好添,哈哈。
雖然逸逸唔肯抱抱咖哩麵包超人,但肯定透過這個劇場之後,她對咖哩麵包超人的好感度大增,因為回家之後經常拿著車入面的咖哩麵包超人錫錫。
不經不過已經4PM了,我們要離開麵包超人博物館,因為我還想花點時間逛逛外面免入場費的麵包超人購物商場。
購物商場內的店舖種類包羅萬有,不過共通點就是全部都以麵包超人做主題,圖書、服飾、絨毛玩具、文具、手工藝品、飾品書包、玩具禮品、餅乾、遊樂中心、照相館、甚至髮型都有。在這兒買了小手袋、一件TEE以及一套水杯餐具給逸逸,又給曉曉詩詩買了小禮物做手信,總之就大出血喇~
我在香港的文具店看中了左上角的雙人小型梳化床,這兒賣接近10000円,已經比香港賣1000港元便宜,不過出發來這敞旅行之前我跟同事說過,如果今次在日本旅行見到賣500港元或以下就買回來,同事立即幫上網CHECK過,完來標準定價真的只是大約500港元,同事還說可以幫我上網訂送貨去酒店,當然我也拒絕了,隨緣嘛。
另一家比較有趣的是麵包店
麵包超人家族麵包款式全貌
我SHOPPING的時候,恆仔就帶住逸逸在外面的麵包超人廣場放電,逛街加買野用左45分鐘,飲埋杯冰凍的蜜瓜汁之後,我地終於要離開喇~
本來諗住黎玩半日,結果差不多5PM先離開,真係夠晒盡興了。
我們行番去新高島站搭車,竟然差點兒錯過了入口,反而是逸逸突然指住後面然後大聲講個”2″字,我們才發現這是我們要找的2號入口呢﹗