我十九個月大了！
今個月我地去左日本旅行呀！我好鍾意去旅行，好鍾意住酒店，好鍾意睇好多新事物，好鍾意由朝到晚同爸爸媽媽黏埋一齊。平日跳跳紮無時停的我坐飛機時會乖乖聽話坐定定用安全帶，媽媽都讚我適合去旅行。今次好多野啱我玩，睇左好靚既風景，自己行左好多路，詳情你地遲d睇媽媽寫的遊記喇。
我越來越喜歡表達自己的想法，顯示自己是一個有主見的人，媽媽話我似乎到左Trouble Two的階段喎，乜都話唔好，不過媽媽話我仲只係一歲幾，所以叫我做Trouble 1 (逸）喎。不過，有d野我係好強烈的no no no，例如著外套no no no，因為好熱；今朝鞋仔no no no，因為太緊。我都有講道理的時候，例如本來食飯肩no no no，不過媽媽解釋俾我知唔著會整污糟件靚衫我都會肯著。不過有時我no no no係同爸爸媽媽玩，因為佢地個反應太funny了，我會一邊講唔好一邊笑。
我依家勇敢左好多，也怕羞左好多，好矛盾？我依家係聖堂排隊出去俾神父祝福唔會再縮，見到滑梯會自己sir唔駛拖住。不過，依家我見到d認得但係唔係成日見的親戚朋友特別緊張，只要你俾d耐性等我warm up一下，就可以見到我貪玩到成個crazy baby咁架喇！
