早前媽媽問我想到什麼地方吃生日飯，相比去什麼地方吃飯，我更加喜歡和家人一齊玩樂的時間，而且其實要照顧住逸逸，對我來說吃什麼也不太ENJOY，因為太過疲累，所以我提議不如一齊上山頂來一個半天遊吧。
我生日的前一個星期日，同時亦曉曉生日的正日，我們一家九口去完聖堂吃過午飯之後就一齊出發，上山頂當然要坐纜車喇~
幸好今日搭纜車的人比想像中少，大約半個小時就可以上車。
逸逸同詩詩都係第一次搭纜車咋，我都好耐無搭過，原來個斜度都好犀利。我講到纜車公司將會引入新纜車，到時載客量會提升8成，之後大家又講番以前乘搭的綠色纜車，CHECK番先知原來在1989年已經開始使用我們現在乘搭的紅色纜車，難怪阿妹話無乜印象。
上到山頂先去山頂廣場麥當奴坐低飲D野，要去廁所的去廁所，要換片的換片，要食奶的食奶，似乎是先為我們7月份一家九口遊首爾來一趟預演，看起來大家效率都不錯。
詩詩食完奶奶去左換片的時候，兩個小朋友就在麥當奴門外玩。今日曉曉同逸逸都著左麵包超人，逸逸好鍾意曉曉心口的麵包超人公仔，竟然走埋去錫錫，曉曉覺得有趣，於是又去追住逸逸背後的細菌小子，展開了一場追逐戰，互有攻守，超搞笑。
搞掂晒之後就出發，我地的目的地是大家都是第一次來的柯士甸山遊樂場。
柯士甸山遊樂場是太平山上兩個維多利亞式公園之一，是拍婚紗照的勝地，在山頂餐廳旁沿住柯士甸山道上斜路行大約10分鍾就到。
柯士甸山遊樂場有綠油油草地，也有典雅的噴水池，但小朋友都對它視而不見。
因為有一個色彩繽紛的遊樂坦吸引住佢地
逸逸楂車車，曉曉當乘客。
錫錫追逐戰再次上演，逸逸突然攻曉曉之不備。
媽媽話係靚靚的公園，抱住個孫女，同老公閒話家常，只係坐係到已經覺得好幸福。
玩到差不多，我地不如去觀景台欣賞下美景喇~
大家都唔太記得觀景台的位置，小時候每年的元旦日同時亦是爸爸的生日，都會先沿著山頂環迴步行徑走一圈欣賞360度美景，再行山路返回中環，再到明愛餐廳吃自助午餐，所以我們先向山頂環迴步行徑走去。
行左一陣就發現，我們想找的觀景台是在凌宵閣另一邊的獅子亭。
於是我地行去獅子亭，景觀果然好靚~
一家三口留影
時間差不多，是時候要去吃晚飯了，我們返回凌宵閣。
凌宵閣有一個免費入場的搞錯3D藝趣坊，拍攝場景非常有香港特色，不過中間一定會經過有駐場專業攝影師當值的拍照專區，其實影得都唔錯，不過價錢太貴，而且逸逸無笑容，所以我地都無買，阿妹佢地更FIRM，影左都唔埋去睇相，話以免被動搖喎~
我們預約了6PM阿甘蝦餐廳吃晚餐，8年前恆仔都同我黎過依度食生日飯。
可以睇住靚景食晚餐
曉曉同逸逸每人有一份可以塗顏色的兒童MENU，逸逸起勁的畫畫畫。
點了好多食物SHARE來吃，每一款都好味道，逸逸玩得太累，睡醒了才吃，所以我也難得可以輕鬆舒服的享用美食。
訂枱的時候，我為曉曉和自己安排了BIRTHDAY CELEBRATION，只要ORDER甜品就會有成班STAFF一齊入黎熱熱鬧鬧的祝你生日快樂。
兩表姐妹同婆婆一齊欣賞下香港的夜景先。
食完飯我地行番去獅子亭欣賞埋夜景先走，香港的夜景真係好靚，難怪能夠成為世界三大夜景之一。
連逸逸都被咁靚既夜景所震撼
佢好似錄音機不停重覆咁話：「依度好呀…依度好靚呀…依度好呀…依度好靚呀…」到離開仲不停咁指番轉頭繼續講。
大家在山頂度過左快樂的一天，謝謝大家陪我慶祝生日，期待住7月的旅行。