2018-04-04 健康院打一歲半針(1Y6M5D)

逸逸足1歲半,又是要去健康院的日子了。

逸逸在前往健康院的車程睡著了,結果要叫醒逸逸磅重,未瞓醒心情唔好更加要黏住媽媽,唔肯自己坐係磅上面,要媽媽抱住磅。 逸逸依家重9.55kg,繼續維持係25 percentile 生長線穩步成長,叻叻。

見姑娘都非常順利,所有野都合格,包括媽媽最擔心的叠積木,今日媽媽還是第一次親眼見到逸逸將積木叠高高。姑娘問媽媽逸逸識講d乜,就係因為識太多一時都講唔出添!最後話俾姑娘知逸逸開始講句子,姑娘又親耳聽到逸逸講爸爸抱抱,讚逸逸講野叻叻!

最後一個節目是打針,今次是打白喉、破傷風、無細胞型百日咳及滅活小兒麻痺混合疫苗加強劑,大個女第一次打手臂,媽媽捉住預備打針時喊得最大聲,打完都未離開房已喊完,仲同姑娘拜拜添!之後亦唔需要奶奶的慰藉,叻叻!

PS 一歲的時候還暗地高興逸逸被稱為楊逸小朋友,點知今日變番楊逸BB添﹗

Comments

comments

發表迴響

你的電子郵件位址並不會被公開。 必要欄位標記為 *