我1歲半大了！
我近排迷上左畫畫，只要拎住筆畫畫就可以坐定定，不過我鍾意同爸爸媽媽一齊畫，好玩好多。另外，去公園跑步步同埋遊樂場玩都好鍾意。最近我學識左跳，一興奮起上來就會跳唔停。我仍然非常鍾意聽音樂，會拍大脾或者o zak zak (Bon chat chat) 咁數拍子架。
我開始用短句子表達自己，例如爸爸坐、媽媽係邊度、逸逸好開心、逸逸愛你等等，不過媽媽話我一煩燥就乜都講唔到，淨係eerr ，連最常用的單字例如奶奶、抱抱都唔記得。
依家我用餐具食飯越來越得心應手，用叉用羹都越來越順手，還開始試下拎筷子添！都叫做夾到少少架。另外我都練習緊用水杯飲水，控制方面都有進步，由起初傾斜得太多成杯倒晒落身，到依家係俾其他事物影響分左心先會倒瀉水。
學識左數字之後，依家我學緊英文字母，不過英文字母好多好易亂，依家比較有信心的只有ABC。另外，我最近學緊顏色，爸爸買俾我的顏色書書是我近期最愛，成日都要爸爸媽媽同我睇。
我一番到屋企就會拎個遙控俾爸爸媽媽，仲一定要去my tv super睇拜託了冰箱，如果爸爸媽媽揀左第二個節目，我會再拎個遙控俾佢地再㩒。不過我要講清楚，我並唔係電視迷，節目播緊的時候我會畫畫、看書、奶奶或玩玩具，我只係等緊純茶舍消茶的廣告，每次我都會同廣告入面個飲完茶的姐姐一齊 “Ha”一聲架～不過有時等成晚個廣告都未必出現架。
