農曆新年2018雜記

今年是我家逸逸BB的第二個農曆新年,去年都仲係一舊飯咁跟住我地周圍去拜年,今年就唔同晒,自己有好多主意,亦感受到她非常ENJOY放假時每天都跟我們黏在一起的時光。

過年食品例如糖果、瓜子、年糕都暫時未食得,唯一被放寬的是移除左臘味的蘿蔔糕,逸逸超鍾意食,成為左蔔蔔糕超級FANS,為蔔蔔糕瘋狂。

今年網購左件靚靚HELLO KITTY旗袍仔俾逸逸,好CUTE~

年初一先番娘家拜年,晚上再去婆婆家拜年,兩表姐妹拎住太婆D橙黎玩,下次不如你地預埋GARETH表弟玩喇~

年初二朝早譚家開年飯,今年嫲嫲入左醫院,只是初二請假接她回來吃胡家開年飯,所以我們一家三口一食完飯就趕番娘家同嫲嫲拜年,逸逸可以同班表姐一齊玩下。

年初三是主日,朝早一齊去聖堂參與感恩祭,係桃花前面影左靚靚全家福。

食完飯一齊去三姑婆家拜年,逸逸竟然可以自己由牛頭角巴士站行到去牛頭角上邨,絕對是16個月19日大的逸逸腳骨力的展現,上到去三姑婆太屋企繼續滿場飛,之後又同曉曉表姐同埋曦曦表姐係樓下公園玩,非常盡興。

同日仲去埋德福廣場影下相先番屋企

年初四飛基團去左希揚屋企團拜,玩具多到好似PLAYROOM咁,小朋友們都玩得好開心。

年初十食完早餐之後在V CITY預上了舞獅,開始之前逸逸對獅子好有興趣好想摸摸,但一開始打鑼打鼓就開始扁嘴,我地也急急腳離開,希望逸逸下年開始識得欣賞喇~

年十三到公司醒獅,祝願新的一年工作順利。

年十八,拆利是喇~謝謝各位俾逸逸的祝福。

Comments

comments

發表迴響

你的電子郵件位址並不會被公開。 必要欄位標記為 *