2018年1月10日,妹妹的二女兒詩詩出世喇~
因為預約開刀的關係,所有事情都按步就班,大家都有充足的心理準備,迎接小寶貝的來臨。
最大的驚喜是晚上我們來探妹妹和詩詩的時候,因為爸爸和恆仔要去泊車的關係,媽媽帶住曉曉我帶住逸逸先上去,本來whatsapp妹妹說我們到了不如先讓她和曉曉facetime,她卻叫我入去幫詩詩換片,以免要待阿DAY到時才換等得太久。
結果,我和這個小人兒初次見面就要幫她換屎片。妹妹將本來正在奶奶中的詩詩交給我,詩詩立即哭得滿面通紅,打開片片入面盛滿珍貴的胎糞,非常膨湃,抹乾淨之後才開始安靜下來,相信詩詩都應該覺得換完片片舒服晒~
詩詩呀~姨媽想話你知,姨媽未幫過你個曉曉家姐換片,亦未有機會見過你個逸逸表姐的胎糞架~
因為當時連媽媽也還未看過妹妹和詩詩,所以換完片我就立即退位。但我唔甘心淨係換過片但係連相都未影過一張,所以後來也要爭取機會再入去同詩詩影番張合照,相片由妹妹操刀,生第二胎的媽媽果然能力也強大好多,可以自己做多好多野。
同場加映:
因為曉曉和逸逸唔可以入病房,所以兩個小朋友係外面玩到HIGH晒,後期仲要強制逸逸落去車度奶奶休息,如果唔係真係晚飯都唔駛食。
我地叫曉曉拖住逸逸,跟進逸逸讚曉曉表姐叻叻~
第一胎都特別緊張,未試過,沒經驗。有了曉曉、逸逸,大家都很淡定。所以經驗至為重要,若果難以取得經驗,預演、預習也是有價值的。
不過照顧BB依樣野預習真係無乜用,實戰先係最緊要~