結婚十週年之旅·岡山鳥取行 – DAY 8 – KEEP WAITING & WAITING IN AIRPORTS

吃過午餐,我地就番酒店拎行李,然後按SCHEDULE乘搭機場巴士去機場。

我們大約早了20分鐘到達巴士站,已經有長長的排隊人龍了。

我們買好了票之後不久就開始上車,因為我們乘坐的巴士已經坐滿,所以都未到SCHEDULE的時間就開出了。

我們很早就來到岡山機場了,逸逸一見到桃太郎同埋他的動物朋友就非常興奮了。

周圍影下相逛下個機場喇~不過其實岡山機場比鹿兒鳥機場更細,內陸航班和國際航班都在同一幢建築物內,只是分開兩邊進出。我們在這兒買了兩串青提子回來當手信,每串不用500円,又香又甜,後來在一田超市看過相類似的品種+呎吋的提子要過100蚊一串,在產地吃水果真的太便宜了。

岡山的足球隊 – 唔知我地幾時有機會睇番場J LEAGUE呢?

玩多一陣滑梯同埋彈彈馬就入去喇~

點知原來因為早一日香港掛八號風球,所以香港來岡山的飛機DELAY,引致我們也要DELAY,結果帶住逸逸在候機室暴走,行到腳仔軟。

候機室內唯一的店舖竟然有吉備糰子試食,而且非常好味,結果我又買了一盒回來吃。

最後DELAY左大約一個小時,終於可以上機喇,想不到回程的飛機餐竟然同去程的一樣,好彩都幾好食。

我地食飛機餐時逸逸瞓左覺,起來之後給她吃在機場買的蒸芝士包。

吃起來有如唔甜的芝士蛋糕的味道

好好味呀﹗

逸:我要再食~

回程的航班好FULL,今次航空公司安排唔到腿部空間加長座位,不過就給我們一行三排的座位,逸逸醒來的時候可以自己坐,讓我也可以休息一下。

我要奶奶~

終於番到香港,本身飛機已經DELAY,估唔到連行李都要DELAY,由落機到拎到行李要接近兩個鐘頭,咁大個人都係第一次﹗

聽說近期香港機場行李運輸的速度越來越慢,其中一個原因是人手不足,另外一個問題是在中場客運廊上落的飛機尤其慢(即主要是香港航空和香港快運的航班),原來中場客運廊新增的登機位,全部都要靠車將行李送回主樓再處理,聽說機場開始興建行李輸送帶連接主大樓及中場客運廊,不過預計要起1年半,即係要2019年先有機會改善中場客運廊的行李運輸問題。

等行李的地方又無乜位坐又無水飲,逸逸頂唔順想奶奶,結果我只好先和逸逸出去,係DELIFRANCE坐低俾佢食奶,然後叫定杯凍檸茶俾恆仔拎完行李出黎飲。

今次旅行買左好多野呀,除左塞滿左個喼之外,仲多左兩袋手提行李呢﹗

Comments

comments

發表迴響

你的電子郵件位址並不會被公開。 必要欄位標記為 *