往年都會趁聖誕節跟恆仔拍拖去尖沙嘴欣賞燈飾,去年聖誕逸逸只有兩個幾月人仔,暫時都未敢也未有足夠的能力帶她去人多擠迫的地方,今年大個女了,連日本都去過兩次,尖沙嘴睇燈飾當然無難度喇﹗
不過促使我要帶逸逸去睇燈飾的主要原因,是因為11月初六姨六姨丈回港大家一齊在尖東吃飯時看到漂亮的燈飾,就心思思想找一天要過來欣賞一下。
適逢11月30日因為要帶逸逸去健康院所以攞左假,恆仔晚上10PM又要去紅磡打波,不如就用中間的空檔時間在尖沙嘴吃晚飯及欣賞聖誕燈飾吧﹗
說到尖沙嘴欣賞燈飾,不可以錯過的當然就是海港城,但逸逸來到的時候剛剛睡著了,很可惜。
拍了幾張相片之後就決定先去誠品逛一下,待逸逸睡醒之後再落黎影過相。
瞓醒之後再過黎,逸逸果然看到燈飾非常興奮,不過點解影親相都唔笑?諗深一層其實是我們大人不懂得活在當下的道理,明明逸逸睇住周圍好開心,我們又要她背住靚靚的東西,她暫時應該很難理解甚至很不喜歡拍照。
唔好望住波波,望住爸爸喇~逸:WHY???
摸摸波波
逸:我想摸下聖誕老人呀﹗
好喇~你想摸就摸到夠喇~
這天我們在這兒遇見了高海寧,化好濃妝自己拿著手機360度自拍,雖然係好觸目,但係又覺得好孤獨。
上面有咩睇呀?
下一站係1881,這邊的設計行ELEGANT路線,逸逸就明顯無咁興奮。
都同媽媽影下靚相喇~
一家三口聖誕樹前留影
食完飯之後,我地去睇埋尖東的外牆燈飾。
依D先夠CLASSIC
海傍的LED多媒體幕牆好震撼,睇到逸逸眼定定,我們還在這兒跟公公、婆婆同埋曉曉表姐FACETIME,分享靚靚的燈飾呢﹗
PS: 遺憾的是另一個我想睇的是在文化中心及鐘樓的大型燈光Show「閃躍維港」光影匯演 ,出到尖沙嘴才發現原來活動要12月1日才開始,希望可以搵多一日出去欣賞喇~