行完草地之後，見到逸逸已經開始步履不穩又打晒呵欠，是時候回房間來個AFTERNOON NAP。
點知小人兒因為過度興奮的原故，點都唔肯瞓覺。
係房間入面樣樣都拎黎玩下，結果攪到6:30PM先強迫到逸逸瞓一陣，但係7:30PM又要起床，因為下一個節目是去香港迪士尼酒店的童話天地參加DISNEY STORYTIME。
我們駕車過去香港迪士尼樂園酒店，來到的時候活動還有10分鐘才開始，我地周圍影下相先。
逸逸繼續要行行行，捉住我和恆仔不斷行樓梯，等候期間我地見到有在迪士尼舉行婚宴的新人在長樓梯影相，不過逸逸見到又無特別好鐘意望，眼中只有行樓梯。
故事時間開始了，也有十多個小朋友參予，逸逸應該是年紀最小的參加者。
今天迪士尼姐姐講的是小熊維尼、跳跳虎和小豆的故事，我相信逸逸大部份都聽唔明白，但係非常專心。
故事講到小熊維尼發現自己唔識飛、跳得唔高又跑得唔快，於是迪士尼姐姐叫小朋友出去每人拿一張迪士尼人物圖片咭，看看自己拿到的角色有什麼技能，然後貼上大咭紙上面。
逸逸也自己行出去領了一張回來，是貓頭鷹OWL，最後當然是我協助逸逸貼在合適的位置喇~
但係WINNIE THE POOH都係無上述的技能，好唔開心，後來跳跳虎和小豆開解POOH POOH，你的技能就是愛幫助朋友，於是POOH POOH就開心番了。
再係LOBBY影下相就番HOLLYWOOD HOTEL了。
我仍然完全未有肚餓的感覺，於是去了好萊塢快餐店叫了一個焗豬扒飯和兩樽果汁SHARE吃，逸逸唔肯坐定定食野，好累~另外，我們又買了一盒水果帶回房間吃。回房間之前我們逛了商店，貨品都靚靚，不過逸逸又好似興趣一般，所以我們也沒有收獲。
回房間一邊看DISNEY CHANNEL一邊吃水果，逸逸洗完澡後又是不肯睡覺，結果要強制熄晒全間房的燈才能夠入睡，這小人兒實在太興奮喇~