明明逸逸埋身食奶奶好叻，最多偶然逸逸唔小心咬我一啖先有D痛；奶量唔多所以就算只是早晚奶唔泵唔放唔啜都只是有點漲唔會塞，仲有D咩艱辛點解仲要訴苦？原因就是逸逸太愛媽媽奶。
因為一向都是只要放假就FEED ON DEMAND，佢想食就比佢食，夜晚就算瞓得唔好不斷啜我都頂得順，唯獨食飯時間成日食一陣就要奶奶令我很困擾。逸逸已經13個月，加固大部份時間都食得好好，特別我唔係屋企由褓姆或爸爸照顧的時候。但當我在家，飯前飯後都要啜啜我都無所謂，但食飯時間只係食幾啖飯就扭抱扭埋身我真係唔想。
個幾禮拜前試過一次堅持唔俾，逸逸哭了大約十多分鐘冷靜落黎之後就肯食飯，但昨晚竟然哭了一個小時都停不下來，後期我估計她自己也不知自己在哭什麼，最後我們只好屈服，結果埋身啜了幾啖就已經累得睡著了，晚餐也沒有再吃其他東西，看著哭到眼都腫晒最後累得睡著了的她，心痛到不得了。
記得褓姆姨姨話以前的小孩到兩歲都是嬰兒期，現在的BB都好像要加速長大，1歲就食大人飯，兩歲就話已經去番學，其實唔俾13個月大的逸逸食飯時食奶是否對她太苛刻呢？