本來星期六的早上約好了要去幫妹妹改動傢俬的位置，點知原來事情比想像中簡單，我們才剛吃完早餐DAY就說已經搞掂，如果我們再上去就不是幫忙而是阻住他們執野，但預備好晒行裝又唔甘心吃個早餐就打道回府，不如去濕地公園行下喇。

上次去濕地公園是逸BB出世前四日，趁著放產假挺著大肚子同妹妹和曉曉一齊由BB角度遊濕地公園，今次再來逸BB已經差不多13個月大了。

我們今次駕車過來，非常方便，所以拎埋BB車，逸逸唔肯坐用來放背囊都好。

又係依張3D畫，已經第三次影喇~

因為今天是重陽節公眾假期，所以遊人都蠻多，不過因為公園範圍好大，所以都唔算迫。

逸逸見到禮品店外面的雀雀好開心

我地去探下貝貝先，其實我唔肯定逸逸知唔知睇緊乜野~

星期六出來行下曬下太陽真係唔錯，可以考慮下買年票。

同逸逸介紹下我最鐘意既彈塗魚先~

今次真係超興奮，因為終於見到彈塗魚喇~仲有招潮蟹添﹗

而且仲要好多好多添呀~

今次去到蝴蝶園又見到好多蝴蝶

實在太好喇~

去到安全地方都要俾逸逸跑步步放下電

依度環境好舒服，逸逸對好多事物都好好奇同埋好有興趣，大家都玩得好開心。

依度有個兒童遊樂區，但係逸逸對於媽媽拖住周圍走同埋行樓梯更加有興趣。

走之前本來諗住同逸逸上黎同麥嘜麥兜影相，點知原來已經無左，不過個VIDEO就仲有得睇，於是我地坐低睇左三個VIDEO，分別是”香港濕地公園自然之旅”、”濕地時空之旅”以及”麥兜·在濕地上”，每套VIDEO中間會休息一陣，然後再倒數開始，完結會有濕地公園的LOGO，本來逸逸在影片完結靜下來之後立即顯得唔耐煩，但當我們在下一套影片開始前陪她一起倒數，VIDEO完結LOGO出現時就會拍手，逸逸變得專心乖乖得多呢﹗

Comments

comments