逸逸1歲生日，本來打算好似曉曉表姐1歲生日時咁係公司的屯門會所BOOK個FUNCTION ROOM搞生日會，點知開放BOOK房個日10am有野做緊唔記得左，到11點幾記得時打去問，逸逸生日那天FUNCTION ROOM已經俾人HOLD左了。

同事介紹可考慮BOOK荃灣會所的卡啦OK房，上網抽籤BOOK房成功，於是逸逸的生日會就在荃灣車廠會所的卡啦OK大房舉行喇。

生日會的INVITATION – 主要邀請表哥表姐同埋聖堂的哥哥姐姐黎一齊玩。

有次上網見到有媽媽幫小朋友係快圖美做生日BANNER，原來只要幾拾元，又便宜又精美，所以幫逸逸整左一張，最後送左俾公公婆婆留念。

大家未到齊之前，先去PLAYROOM玩下先

大小朋友都玩得好開心呀~

因為早前逸逸去迪士尼時認識左MICKEY，特別揀左個MICKEY蛋糕俾佢，靚靚~

逸逸生日快樂，爸爸媽媽祝你身體健康，開心咁成長﹗

大家同逸逸唱生日歌

之前我地都有同逸逸練習過唱生日歌，不過突然咁大棚人一齊唱歌逸逸都要觀察下發生咩事，去到最後終於進入狀態都有拍手掌，叻叻﹗

大合照 – 多謝大家黎同逸逸一齊玩同埋你地送俾逸逸既禮物呀﹗

逸逸係度食左佢人生的第一啖蛋糕。其實，當日除左蛋糕之外，係酒吧點左四個小食拼盤，印象中有春卷、咖喱角、煙鴨胸、炸雞件、炸餃子、芝士蛋糕等食物，味道都唔錯；飲品都是幫襯酒吧，辛苦恆仔和Day幫手落單做臨時侍應；又預備左細盒麥精、細盒維他奶、BB果汁、BB紫菜同埋提子乾俾小小朋友，可惜全部都無影相…

我們預備左一D卡通吹氣棒棒俾小朋友現場玩同埋帶番屋企，好彩大家都好似幾鐘意~

另外我又BOOK左足球機同埋氣墊球機俾大D既小朋友玩，希望大家都能夠盡興喇~

整體來說荃灣會所好像比屯門會所更加好玩，不過唯一的缺點就是要上上落落出去門口接訪客入來，都幾勞累。

Comments

comments