一家八口·澳門闖蕩 – DAY 2 – 雅馨緬甸餐廳·大三巴·李康記豆腐花

離開二龍喉公園,我們出發去吃午餐。

上網SEARCH了很多地方,最後選了在旅客之間人氣很盛的雅馨緬甸餐廳。不過就是因為人氣太盛,所以要等位之餘我們也要分坐兩枱,我們一家和媽媽坐在同一枱。

對於緬甸菜非常陌生,所以我們點的都是網上食家們話好食的推介。

我的椰汁雞麵 – 椰汁湯底好香好濃郁,果然係唔錯。不過另外我點了一杯緬甸凍奶茶就無乜特別了,還是港式奶茶好飲D。

恆仔的椰汁雞撈麵,無椰汁雞麵咁好食。

唔食雞的媽媽點了椰汁豬扒麵,一樣好味道。

另外,我們再點了兩個小食SHARE來吃。

薄餅好似我係台灣最鐘意食的手抓餅,醬汁則似咖央醬,都好味。

春卷即炸熱辣辣,好好味。

唔知邱氏和爸爸食左乜野,淨係知道佢地話叫左好多野食,同埋曉曉話好味道喎。

不過,這家店實在坐得不舒服,也好難為逸逸翻熱粥仔,所以逸逸今天的午餐是提子包。另外,逸逸竟然在我們吃午餐的途中便便,結果食完飯就要為她張羅換片的地方了。

附近是舊區,所以我們決定帶著臭臭逸搭巴士去八佰伴換片,換完片之後就去大三巴行下。

因為舉辦武林群英會的活動,所以議事亭前地更加擠迫。

邱氏一家三口靚靚合照,可惜逸逸已經瞓左,影唔到靚相喇~

好多人好多人…

大三巴到此一遊

最後一站係去食李康記豆腐花

特色是加入花奶一齊食,好味道~

大家影相的時候,曉曉唔得閒理我地,哈哈~

逸逸第一次飲豆漿,我地為左遷就逸逸無加糖,豆漿都係加糖好飲D…

行程終於圓滿結束,但還要回酒店取行李,比較EFFECTIVE同埋省錢的方法是大家一齊先搭巴士去到碼頭,有後婦孺留在碼頭等候,爸爸們則搭的士來回酒店取行李。

因為候船大堂坐滿了人的關係,又碰巧在麥當奴找到位坐,於是不如叫少少野食係麥當奴等喇~因為大家(大人)都好飽的關係,本來只是我叫杯咖啡飲,但諗下逸逸今日午餐只係食左提子包,不如叫杯粟米俾佢食喇,叫得粟米當然就點開心樂園餐了。

唔叫野食都唔知道原來曉曉非常肚餓添﹗

爸爸們好快就回來,大家一齊去買手信之後,就係等船的時間喇~

曉曉同爸爸玩得好開心

逸逸咪只有睇的份兒囉~無辦法喇,邊個叫你細細個?

澳門之旅完滿結束,下次再一齊去旅行時就要改標題變成一家九口喇~

Comments

comments

發表迴響

你的電子郵件位址並不會被公開。 必要欄位標記為 *