二零一七年八月十二日(星期六)
我們又出發去澳門了，本來今次是打算一家八口一起去韓國的，後來因為阿DAY請唔到假未能成行，我的旅行癮起上網Search下發現了有澳門便宜酒店，同大家講開又話只是星期六日不用請假的話可以一齊去，於是展開了我們一家八口在2017年的第二次澳門之旅。
同上次一樣，搭船之前約係海趣坊一齊食早餐，今次幫趁新開張無耐的桃園制作，本來店家安排我們分開兩張枱坐，但媽媽又想大家可以坐在一起，結果八個人擠在一張四人圓枱又OK喎。
有舖頭廚窗放有大大小小不同的猴子做裝飾，曉曉最喜歡為這些大小不一的東西分配角色，通常最小的就是她自己和逸BB，至於邊個係姨丈呀？望下曉曉指住邊度就知道答案了。
出發喇，跟上次一樣，我們乘搭10:10am的班次。
逸BB最後一次去澳門唔駛買船飛喇
今次一齊入閘，可以坐埋一齊。
依家同婆婆friend左，鐘意同婆婆玩，爸爸媽媽可以休息一下。
來到澳門了，今次我們住皇都酒店，shuttle bus相對比較少，幸好也不用等太久就有車。很快就去到 酒店，酒店大堂意想不到的人頭湧湧，原來澳門正好舉辦武林群英會，而很多參加者都住在皇都酒店，所以這兩天跟我們撞口撞面的都是武林高手。
更意想不到的是我們差不多正午12時來到酒店，竟然可以先給我們一間房間放低行李，真好。
整頓好之後就出去吃午飯，目的地是在我和恆仔有一次來澳門住皇都酒店時偶然發現的坤記餐室。
酒店的對面是塔石體育館，武林群英會的其中一個舉行場地，外面有影相booth，睇張相我覺得逸逸最有功架。
憑記憶帶路，係無行錯路的情況下順利到達坤記餐室。
坤記是一家華人經營的葡萄牙家常菜餐廳，裝修是茶餐廳格局，價格便宜味道也不錯。
這是奉送(還是已計錢？)的餐包，熱辣辣好好味，逸逸都有份品嚐。
馬介休球跟上次的印象一樣，味道一般，不過食葡菜又好似無理由唔食~
上次食過白烚椰菜花非常難忘，今次只有椰菜都照殺，加左橄欖油真的特別清甜。
再次encore的烤魷魚，本來媽媽覺得這個價錢比較貴而猶疑，我立即check番自己上次的blog對此道菜大加讚賞，果然不負眾望，依舊好味道。
燴牛尾，炆得好腍好味道。
葡式免治豬肉炒薯粒飯 – 好惹味，正﹗
西洋臘腸炒飯 – 無驚喜，不過都唔難食，就是好普通。
阿妹點左個葡式菜湯，都唔記得佢話好唔好飲，不過根據我上次的經驗都唔錯既。
仲有去澳門唔可以錯過的葡式菠蘿汽水
逸BB都自備即食粥，都算食得乖乖喇~