一家三口遊東京 – DAY 1 – 逸逸的飛行初體驗

二零一七年五月二十三日(星期二)

期待了差不多一年,我們終於又飛了﹗

因為早機的關係,朝早5點就要起床預備,幸好一早執好晒行李,又習慣了每朝早不用花太多時間就可以全家一起出門,所以沒有想像中困難。

雖然之前為了接公公婆婆飛機都已經去過機場,不過還是第一次乘搭機場快線。

今次和上次去鹿兒島一樣,都是透過東瀛遊買團體票,所以約了7AM要到J區跟東瀛遊的職員取登機証,之後才拿著登機証去Check In寄行李。我們有一點小遲到,差不多行到去J區就收到職員的電話,要你等咁耐唔好意思喇~

不過跟上次不一樣的,就是排隊CHECK IN的人唔多,很快就完成,而且因為我們帶BB,所以免費UPGRADE了我們坐空間較為寬敞的第一行,一般人要坐的話要加錢架﹗

辦好過關手續食番個早餐先,我一向都好鐘意食翠華的雪菜肉絲米粉,機場的早餐價錢貴過出面都預左,不過個餐都比平時多兩隻烚蛋。

所以逸逸都可以食蛋黃做早餐~

今次係中場客運廊登機,跟去年剛啟用時相比,所有店舖都已進駐,熱鬧得多。

逸逸,依架就叫做飛機喇~

一上機就感受到香港航空的職員招呼周到,除了好親切的教我們用BB安全帶之外,又問我們BB的用餐安排,可選擇跟我們一起用餐,又或者需要的時候通知他們,他們可以按需要才為我們加熱BABY FOOD。

加上特別為我們安排的這個稱為腿部空間加長座位,我們一家三口可以自成一角,所以今次對於香港航空真的超級滿意。

由逸逸示範如何使用嬰兒安全帶。

好奇寶寶對窗外的景緻非常有興趣

第一次坐飛機的逸逸真的超級乖,全程沒有扭過計,連起飛和降落都靜靜的坐在我的膝上,整個機程只是奶奶、睡覺同埋玩玩無限LOOP。

希望你之後搭飛機都可以繼續乖乖喇~

食飛機餐時逸逸瞓左覺,我可以安心享用我的第二份早餐。

早餐都有中式和西式的選擇,而且味道也不錯。飛機上沒有獨立的娛樂設施是意料中事,逸逸乖乖瞓覺令我和恆仔竟然可以在飛機上看了預先準備好的《奔跑吧﹗兄弟》﹗真好。

之後到逸逸用餐,有三樽BABY FOOD,有肉有菜有水果,仲有果汁添﹗不過逸逸麻麻地鐘意食BABY FOOD,至於果汁我沒有讓她試,最後成了恆仔的飲品,恆仔話淡而無味,咁淡口早知俾逸逸試喇~

落機喇~我地終於到左日本,今次逸逸第一次坐飛機乖乖100分﹗

Comments

comments

2 則迴響於《一家三口遊東京 – DAY 1 – 逸逸的飛行初體驗

  1. 我發覺曉9m、11m、16m、21m、28m五次搭飛機之中,我哋最輕鬆係28m即是今次去高雄,完全唔瞓覺都冇問題,因為俾佢睇電視就得>v<~最辛苦係16m,要不停娛樂佢,佢又未識自己娛樂自己,有要求又未識好好表達,發起茅上嚟唔係人咁品⋯good luck﹗我知道點都唔會阻止你帶逸逸去旅行嘅熱情,因為我都一樣﹗﹗哈哈~而家暫時收山,期待下年產後復出,二拖二,no problem﹗(有problem先算,見招拆招~)

Catherine 發表迴響 取消回覆

你的電子郵件位址並不會被公開。 必要欄位標記為 *