五年前為了換主人房冷氣而引起的不愉快記憶，至今仍然無法釋懷，因為由前年開始，室內機偶然會滴水，按照我們擺放傢具的位置，即直接滴在枕頭上面。冷氣時好時壞，今年女兒出世，決定再次的起心肝再換主人房的冷氣，順便換埋客廳個部已經二十年歷史的美的冷氣。
今次唔敢再用細舖，選擇了過往購物經驗都唔錯的豐澤。豐澤的sales好熟屯門的屋苑，一知我們說要搭棚就問是不是住叠茵庭，因為近期很多人換機，我們說主人房想裝冷暖機，sales立即說不可以因爲無去水，我們話現在我們真的正在用冷暖機，他就說點都好，如果想要找豐澤安裝冷氣機，必須先付$100約師父睇位及報價，到時生意成了可以扣番，就這樣，我們就約了睇位，睇完位再按師傅建議的機種揀機。
睇位時，師傅話我們的冷氣機沒有裝水盤，後來裝機時亦確認了這個情況，上次的師傅夾硬將我們的去水駁左去大廈的主去水渠，我們當時是特地加錢給惠而浦訂造水盤的，錢就收左裝唔到又無同我地交代，仲讚左惠而浦幾年添。另外師傅又話安裝費其中一部分是拆洗手間窗框，因為個窗唔夠出，難怪當年安裝時整爛了我們的牆身磚了。
到訂好新機安裝的時候，師傅一望就話部舊機裝得太差，漏晒d雪種，所以點解部機咁新都咁快打柴，當年揀左係時代電氣化中心買冷氣真係一失足成千古恨。
新冷氣機終於安裝完成，觀察了一個星期一切正常，今日仲拆埋棚添，我們同個舊冷氣終於正式分手，無瓜無割了。
事件源由詳見：
當年住屯門，用時代電氣化中心裝冷氣機我都領教過!
依家每次行街經過都仲嬲嬲地…