其實在出院之後的第三天，我們已帶逸逸去健康院做了第一次檢查，主要是磅重度頭圍，以及由護士記錄家庭病歷。因為當日磅重有3.18kg，已回復出生時的體重，加上黃的指數不高，所以約好了一星期後才再回健康院見醫生。
今日再去健康院做檢查，當然又是先磅重度頭圍，之後就等叫名見醫生。溫柔又靚女的醫生姐姐話逸逸一切正常，黃已經退晒，體重亦重得好好，現在有3.34kg。最叻叻既係成個檢查過程除左放雪條棒檢查口腔時er了幾聲之外，全程眼仔睩睩無喊過呢﹗
今天其實是爸爸媽媽的9週年結婚紀念，節目就是餵奶、掃風、換片、餵奶、掃風、換片……最高興就是可以去健康院當去街街。第一次在家慶祝，特地叫陪月姨姨不用煮晚飯，放肆的點了元氣壽司外賣當晚餐，請大家高抬貴手，唔好鬧我點解坐月食生冷野……