今年的中秋節，爸爸媽媽去了澳洲旅行，我們約了妹妹一家一起過節。
今天公司放早，妹妹帶曉曉來接我放工，然後一齊去公司的會所玩，又去左公園SIR滑梯，仲一齊食埋下午茶，之後上了我家睡午覺，待DAY都放工回來之後就一起吃晚飯做節。
我們去了市中心的名苑吃飯，做節一定是吃指定菜單及價錢比較貴，但總是覺得比較有氣氛。因為跟曉曉一齊玩左成個下午，所以食飯時同我已經勁FRIEND。
食完飯之後我們一起去屯門公園玩燈籠和賞月，曉曉一邊拖著媽媽一邊拖著我，由名苑行到差不多接近屯門站，對這個小小人兒來說真的有如萬里長征。
最冧的是她既想拎住燈籠，又想拖住我的手，內心非常糾結，一時拎下燈籠，但很快就放手，然後還要說：「姨媽拖實！」，你話仲唔係冧死人？