往年結婚週年我們就算不去旅行也會去個短TRIP住住酒店，晚餐通常都就住晚上住的地方作選擇。因為一星期後就出發去紐西蘭旅行，今年結婚週年紀念日沒有外遊，所以要想一下在哪兒吃飯慶祝。

突然想起有一次在雜誌看到介紹一家很有韓國風味的韓式燒烤店，除了有傳統銀色抽油煙管之外，還要有得食《秘密花園》入面提到的燒豬皮，我和恆仔都是哈韓族，就決定來這兒試試。

淨係裝修已夠晒風味，同香港一般的韓燒店好唔同。

有三款泡菜，都幾好食。

一人一碗都幾酸下的海帶凍湯，未開始食飲一啖真係好酸，但食落烤肉之後就會覺得佢幾清爽。

另外一人有一碗浸左醋汁既洋葱，又係用黎送烤肉的良品。

一早放好生菜及紫蘇葉，還有各款醬料，也是一會兒用來送烤肉的。起初我以為自己接受唔到紫蘇葉那強烈的味道，想不到用來包著充滿肉汁的烤肉再加上醬料之後，又幾好食喎~

店家有冰茶供應，不過我地只要一BBQ或者打邊爐就會想飲汽水，雖然都幾貴下但都叫左一人一罐。

點菜先，其實兩個人都幾難點，因為食得唔多，唔可以叫太多款：

首先點了一個牛肉拼盤 – 包括牛排骨、特級雪花牛肉、牛脷以及牛肋骨肉，幾款都各有特色，味道不錯。

因為看電視飲食節目介紹濟州黑毛豬，廚師都極度讚賞濟州黑毛豬的美味，所以決定點一份濟州黑毛豬來嚐嚐。這店有幾個部位可以選擇，我們選了後頸肉，因為最近看《廚神當道韓國版2》的時候其中一個參賽者就是用豬後頸肉來煮了一道讓評判讚口不絕的料理，所以我們就決定試這個。正如節目入面所講，豬後頸肉油脂豐盛，用來燒就最美味了。

另外，當然不少得豬皮了。這個豬皮煙煙韌韌的，沒有什麼味道，吃起來有點兒像橡筋，很有嚼勁，我們終於明白為什麼金柱原點解會話都唔知點解會有人食D咁既野~不過試下都幾得意既。

起初自己試下燒架

點知無幾耐就有侍應走埋黎幫我地燒，仲要剪成細細塊方便食，真係好正﹗不過我覺得佢燒得急左D，可能希望可以做多幾輪客喇，無得慢慢食。

今晚好ENJOY呀，HAPPY 6TH WEDDING ANNIVERSARY﹗﹗﹗

Comments

comments