今天下午沒約會，跟媽媽看了妹妹曾經推介了N次的電影《真的戀愛了》。
這是很多小故事串連在一起關於聖誕及愛的愛情溫馨小品，輕鬆感人。
單身寂寞的總統跟女助理超越階級的戀愛、有家室的雜誌編輯被女秘書勾引、後父面對十歲繼子的單戀煩惱、言語不通的英國作家愛上葡萄牙家務助理、過氣男歌手跟失意經理人出新專輯被惡意評擊最後得到銷量冠軍、愛上好友妻子的害羞男子、一個其貌不揚但決心到美國酒吧獵艷的英國男子、因拍電影肉皂相見而最後愛上對方的男女、暗戀男同事多年終於夢想成真卻被有病的弟弟所破壞….
雖然已是二零零三年的作品，但一點也沒有讓人感到過時的感覺，故事仍然很窩心。所以，愛絕對是一樣恆久不變的題材。
電影介紹上說入面有十個小故事，不過數來數去只數到九個，有人能告訴我還有一個故事是那一個嗎？
唔… 我都很喜歡有很多個故事cross 埋一齊bor!~ 而且有d位都接駁得幾好!~ 小伙子看到過氣男歌手唱歌(and脫衣 )才發現自己可以打鼓! 而那個的學校表演又令3個故事有了結局~ 仲有d 位ga~ 不過唔太記得!
[版主回覆01/19/2008 17:29:00]唔錯架﹗不過真係要睇得好專注囉﹗唔係好用易搞錯…
我從來都冇諗過原來有人會覺得「love actually」悶o架喎~唔知呢？佢跳o黎跳去我反而覺得「目不暇給」喎~古怪人？哈~或者因為我旁邊有一個比我認人叻10倍o既day？﹗最重要o既，係入面D歌好好聽，又不停有好多surprise同埋令人會心微笑o既片段~
[版主回覆01/17/2008 12:50:00]其實悶唔係因為佢既內容，而係搞唔清佢做乜…所以當你認清每一個故事之後，就會好吸引…
我覺得有o的悶呀﹗不過我好似留意唔到有九個故事咁多，得閒要再拎隻碟出來睇下﹗
我同事上兩星期先講開Love Actually原來有3級DVD，我估就係大家講的拍喊片故事。
[版主回覆01/17/2008 00:03:00]如果開頭唔係有人講解住…我諗都睇唔晒…因為開頭未投入D故事時真係有D悶…但係投入晒之後就好好睇…
係呀…我諗就係拍咸片令佢變III級…
由睇一次睇開始，「love actually」變成了my favourite movie﹗好溫馨，好sweet~俾我o既印象係，入面D歌好好聽，一出戲院即刻嗌住要買sound track，而入面o既「all you need is love」同埋「all i want for christmas is you」仲變埋我時時唱o既歌添~戲入面咁多幕之中，最印象難忘就係o個個婚禮了﹗好朋友俾佢o地o既surprise﹗如果我都有個咁o既婚禮就 …
可能因為我第一次睇時係戲院啦，所以專注度高D，我又唔覺得亂喎~同埋呢，係戲院播放，為o左令套戲變成IIA定IIB級呢，拍鹹片o個對男女o個個故事cut o左o架，係VCD先有完整版﹗
[版主回覆01/15/2008 13:38:00]個婚禮真係好suprise…但係不太realistic…因為那麼大型的樂器怎可能淹沒在觀眾席當中呢？又不是大球場…
聖誕節為了應節都有看呀,但大腩就唔係好欣賞,話咁多個故事,唔知邊個打邊個。我最喜歡"言語不通的英國作家愛上葡萄牙家務助理",這個故事最好。
[版主回覆01/14/2008 17:02:00]我都係阿媽從旁解釋先至無咁亂…始終故事太多…我就最喜歡總統那一段…很有喜劇感…