繼昨晚阿高請我看演唱會後,今日又有老細,我們頂頂大名的王子哥很慷慨的請我們飛基團一班女士去海洋公園玩。今次我們都算很齊人,除了大佬輝一家外,大家都到齊了,包括有王子和王妃、希揚和婉欣、EDMOND和AMY、家雯和阿雄、阿于和JOEY、子健、以及阿恆和我。(子健幾時會帶埋他的另一半出席我們的活動呢?)
但是,我今朝竟然無大無細,有老細請仍唔知醒遲大到,要王子及其他團友等我和阿恆,真的SORRY SORRY呢﹗
我們在屯門市中心麥當奴吃過早餐後就出發,約於11AM到達海洋公園。
看到新年的鼠鼠佈置嗎?
我們首先排隊玩越礦飛車,只有王子、EDMOND、阿于、希揚、家雯、阿雄及我接受挑戰。
大家早前玩過長隆的十環過山車,這個越礦飛車真的是小兒科。
玩完過山車後,先逛逛太平洋海岸看海獅。
海獅懶洋洋的樣子
第一次留意到海獅的小尾巴
逛過太平洋海岸後就到鯊魚館及水母館。水母館人很多,也需排隊排了一段時間才可進入。
漂亮的水母真的很賞心悅目
色彩繽紛的水母
看過水母館後已是1:15PM了。下一場的海洋劇場在2:30PM演出,所以我們決定在海洋劇場吃午飯,順便早點去佔位置。原本打算買麥當奴,怎料人多得嚇人,恐怕排隊排到海洋劇場開始表演也未買到食物,結果吃了很細盒的焗豬扒飯,不過聽說價錢也絕不便宜啊﹗又是謝謝王子的時候了。
雖然今天有五場的演出,但未夠2:00PM海洋劇場已坐滿了。
活潑精靈的海獅
靈活的海豚
我們離開海洋劇場時,已站滿一班正等待看3:30PM場次的遊人了
接著,我們玩了過山車。今次連EDMOND也離了隊,玩過山車的只剩下王子、阿于、希揚、家雯、阿雄及我。
被阿恆偷影到玩完過山車的我
今天人很多,玩不同的玩意也要排長龍,所以我們玩完過山車就決定乘吊車到正門的那一邊。
排隊剩搭吊車時發生了一段小插曲,因為今天大部份遊人都是內地來的旅客,而他們其中一個最喜歡的動作就是插隊。在排隊的短短半個小時裏面,插隊的情況此起彼落,我們也不禁發惡鬧了後面不斷插隊的人,亦有人因為插隊被工作人員要求離開隊伍,由隊尾再排過…唉…大家也不禁回想起在長隆不快的排隊經歷呢﹗
排了三十分鐘,終於上車了
到達山下,突然發現原來正門那邊因為擴建的關係,差點變了一個廢墟的樣子,大部份的玩意都拆毀了,真有點失望呢﹗不過我們此行最大的目的是探訪熊貓館。
館外奇怪的熊貓裝飾
為食的安安
貪睡的佳佳
活潑的盈盈和樂樂
看過熊貓館,影過大合照後,我們就完結了今日的海洋公園一天遊了。
再次鳴謝王子,下次記住請我們去迪士尼啊﹗
多謝妳上面就真,如果唔係妳地四位好朋友比面,同理四位為左老婆,女友的安全又點會成團呢!為左答謝又靚又有慧根的曦姐妳同埋大家,所以我都希望可以係迪士尼見到,係我心目中非常之尊重的好朋友曦姐妳之外,同埋各位團友.祝妳同亞行去北海道,玩得超開心,超高興,再見.
妳的好朋友小王子上
[版主回覆02/21/2008 00:42:00]嘩﹗好開心可以係度見到你呀﹗記住平時多D黎我個BLOG度留下言囉喎﹗
你咁樣讚我會讚到我有D飄飄然呢﹗
我岩岩係北海道番黎喇,好好玩呀﹗好快會係個BLOG度同大家分享我個幾日既旅程架喇﹗
王子係咪發o左達﹖定係佢係中東或者汶萊王子﹖
[版主回覆02/12/2008 14:40:00]又唔知佢係咪發左達喎…不過佢主動話請我地去囉…於是我地恭敬不如從命…
佢係百佳王子…
D 相影得唔錯喎同埋好勤力呀,咁快就寫好。你又讚王子總理,我地一定要比個BLOG址佢,等佢知道自己係幾重要。
[版主回覆02/11/2008 15:22:00]係呀…尋晚寫埋先訓覺嘛…不過仲等緊你老公部機個張靚靚大合照呀﹗
係呀…要俾佢睇下先得…等佢覺得請我地係好值得既…
你係咪只係講o左有影相o既行程呀?好似去o左好少景點咁o既?
p.s.相入面見唔到其他人個靚樣呢~最多只見到張生~
[版主回覆02/11/2008 15:04:00]唔係呀…已經講晒所有行程喇…因為人太多…經常要排隊…所以淨係去到好少地方…
其他人既靚樣要等EDMOND UPLOAD左大合照先有得睇