我們到達酒店時已經是5:00PM了。今次我們入住 まほろば，是一個網友介紹的。當今次北海道的機票一CONFIRM已即時上網訂房了。
我們住的溫泉酒店
從酒店房間望出去的景色
因為日式房比西式房貴太多了，所以我們選住了西式房。
今天午餐太早吃，所以我們都覺得肚餓了，於是決定先到溫泉街逛一下就去吃晚飯了。
溫泉街 – 主要是食店和紀念品店
阿恆說這是疑似小雲壁畫
阿恆說要偷影這幾個雪人，難道雪人們真的會知道我們影他們嗎？
整條溫泉街都佈置石像擺設
讓我扮扮登別代言人紅鬼先…
這是閻魔堂，據說每天會有幾時變惡魔的，不過我們時間不合，沒有機會領教一下。
我們選了這店吃晚飯。
店內佈置很雅緻呢﹗
我吃了親子丼，份量少了一點，不過味道很好。
阿恆吃了咖喱豬扒飯，他說這飯超級美味呢﹗
吃飽飯不能立即回酒店浸溫泉，所以繼續逛逛。
我也知這是純冰
可愛的雪人
換好衣服準備浸溫泉
這間溫泉酒店有31個大大小小的溫泉池，包含了4種不同的泉水，不過他不是那種花巧的溫泉，不會落配料令泉水有不同的味道，所以我這種不太熟悉溫泉的人，浸那一種也分別不大呢﹗
在日本浸溫泉要脫光衣服，因為之前在九州旅行時已經試過，所以也不會覺得尷尬。今次第一次在這麼冷的天氣下在露天浸溫泉，感覺好得意，臉是冷冷的，但身體則暖烘烘的，不會像在室內或熱天浸溫泉那麼容易令到腦筋蠢蠢地…這間酒店有一個親子池，親子池內有一個滑梯，未出發時妹妹已經叫我一定要試。第一次脫光衣服玩水上滑梯，感覺好搞笑…
浸過溫泉之後還有按摩椅按摩，很舒服呢﹗
晚上還吃了雪條和薯片做宵夜，雪糕因為雪櫃不夠凍，有點溶，雖然味道很好，但質感差了點。但這個薯片就真的非常美味，是牛油味，我們還喜歡得買了兩包回香港呢﹗
哈哈…疑似小雲壁畫…(疑似)呢個字眼呢期"輕"嘛..所以我都要講下…個咖喱飯真係超得架…呵呵~~~~
[版主回覆02/23/2008 01:52:00]我覺得今次用"疑似"這個字眼很恰當…因為小雲個樣真係有少少怪…我都唔敢肯定佢一定係小雲…HAHA…
上次去富士山，反而我媽好義無反顧喎﹗
我同我二妹都接受唔到呢，我媽搵o左我細細妹陪佢去。
但我係好想試，或者儲多o的錢book私家風呂先﹗
[版主回覆02/22/2008 15:20:00]其實怕咩羞呀…後生細女身材差唔多全場最好個個…無有怕…你係富士山無浸真係蝕晒呢…
依D野一定要試下…
嘩!!脫光衣服,真係要腍下先!!!!
同埋又唔可以同另一半一齊浸的話,一定好快上返水,一個人浸感覺無咁好。
[版主回覆02/22/2008 11:09:00]其實真係無乜野…當你入到去個個都係咁…完全無問題…
我都覺得今次要自己浸係有點遺憾…之前同屋企人去我地女多男少…同阿媽妹妹一起浸…有傾有講開心好多….不過今次令我理解到平常爸爸一個人浸都幾悶呢…
係咪男女分開浸呀﹖但我仲未接受到日式溫泉。
[版主回覆02/22/2008 11:07:00]係呀…男女分開浸架…不過如果肯洗下錢…都可以BOOK家族風旅…或者房入面包私家溫泉個D…就可以同另一半一齊浸囉…
我又從來無接受唔到過喎…記得幾年前去九州時…已經知會去浸日式溫泉…出發之前除左媽媽有點猶疑之外…我同妹妹都係義無反顧咁話一定要去浸…後來媽媽都突破左自己…到舊年去沖繩時已經期待日式浸浴了…
唯一係有D怕既係跟團…同一班認識但一點都唔熟既人一齊浸..係會有D尷尬…第二天還要見面架嘛…