超級拼圖王

自小我就很喜歡拼圖,從挑戰500塊開始,最多是5000塊,不過一直未能成功,殘骸應該仍然放在樟木頭。

最瘋狂的時候,將拼圖放在窗台上慢慢砌,旁邊再放上一盞麻雀燈,方便晚上不夠光的時候用來照明。最厲害的紀錄,是兩小時多砌起一幅500塊的拼圖。

我從來都不會將砌好的拼圖上架,只會砌好之後就拆散放回盒中。別人都驚嘆感到可惜,但對於我來說,享受的是過程,而不是成果。所以舊居唯一一幅上了架的拼圖,是阿恆砌起送給我的禮物,反而一幅自己的作品也沒有。

近年實在太忙,現在的居所亦沒有地方給我拼圖,正好屋苑舉辦環保回收活動,玩具是其中一種接受回收的物品,所以決定將部份存於新居的拼圖捐給慈善機構。

1

我的拼圖存量應該是這兒的最少三倍,只不過暫時也忘記放了在哪兒。

2 3
這兩盒應該是親友送給我的禮物
4

這幅最難的是粉紅色的底色,仍記得砌得我眼矇呢﹗

5 6

這兩盒是襯屈臣氏大特價是買的

7

我對這盒真的沒有什麼印象

8 9

這兩盒是從美國帶回來的,當年真的用心良苦

我最愛的拼圖,再會了﹗

Comments

comments

15 則迴響於《超級拼圖王

  1. 如果小王子唔解釋得咁清楚,我都想唔到有咩享受係要耐性的,果然係高人!!!!!
    [版主回覆03/24/2008 14:02:00]係呀…所以我同佢幾日來不斷有問有答的都唔係白費既…終於有突破性既發展…HAHA…

  2. 例如:晒太陽,又或者去做啲健身運動等等………….
    [版主回覆03/23/2008 00:58:00]icic

  3. 係呀,不過是要享受啲乜先,因為有啲享受係唔需要耐性架
    [版主回覆03/22/2008 17:53:00]有D咩享受需要耐性的呢?

  4. 細個的時候就有耐性,大個就冇乜的
    [版主回覆03/20/2008 08:53:00]你大個d耐性去左邊呢?

  5. 王子哥…更好啦…我都好期待你既飛基團童年篇
    [版主回覆03/19/2008 12:50:00]相信大家都好期待呢﹗

  6. 其實我童年的時候都有玩過拼圖架,只不過拼完之後把它放在床下底,到有其他玩具玩的時候自然就忘掉了吧.
    [版主回覆03/18/2008 18:46:00]個時砌幾多塊呀?

  7. 阿嫂,妳唔係三分鐘熱度的人,只不過對於拼圖冇乜興趣的.只要有心,乜野都可以做得到.
    [版主回覆03/18/2008 18:45:00]無興趣先三分鐘熱度者…

  8. 楊小邪我好應同你的講法,等我下次有時間的話在個blog寫返篇飛基團之童年篇,好嗎.
    [版主回覆03/18/2008 18:44:00]期待著你的飛基團童年篇…

  9. 如果係我的話…可能會每一幅都砌多最後一次先捐出去﹗回味下o個種感覺嘛~
    [版主回覆03/17/2008 13:54:00]其實家中應該仲有其他的拼圖…要回味的話仍然有大把機會回味…不過沒有時間又沒有空間呢…

  10. 雖然捐左出去,但係佢地會繼續帶俾其他人開心快樂既時刻,所以係好值得既,不過o係我攞去放得佢地既一刻,我都有d唔捨得,唔知係唔係個人大個左,所以對d有童年回憶既野都好有感覺。
    [版主回覆03/17/2008 10:17:00]haha…但係明明係我既童年回憶…你都會唔捨得?
    今朝番工出門口時見到d拼圖仲係個guard後面…唔知要到幾時先會送到去d有需要既人個度呢?

  11. 我家書房的車砌圖,就是我砌來送給大腩的,我足足砌左半年,因為我係一個三分鍾熱度的人,要專注某一樣東西很難,所以自此之後完全無砌過了。你真係勁呀!!!!!
    [版主回覆03/16/2008 22:14:00]每個人的興趣不同吧﹗看你對烹飪就不是三分鐘熱度吧﹗

  12. 熱愛拼圖,也捨得捐出來,這說明你不再需要擁有才快樂。把拼圖拍下來,也算留個紀念。拼圖也講邏輯推理,不妨下次談談這方面的心得。
    [版主回覆03/16/2008 22:07:00]這篇網誌就是用來紀念這些拼圖的…
    好﹗下次就寫篇拼圖的技巧吧…

louis 發表迴響 取消回覆

你的電子郵件位址並不會被公開。 必要欄位標記為 *