盤龍峽‧金水台溫泉之旅 – DAY 3 – 中華牌坊

今次的行程安排不錯,不會很匆忙,可以讓我們早上再去浸一轉溫泉才離開。

今天早上作了新嘗試,在泳池中玩了水中籃球,很有趣,但每次籃球跌落水都會濺起水花,如果要在水中比賽,真的有點難度呢﹗

浸過溫泉,我們就離開金水台溫泉,乘車約個多小時車回市區吃午飯。吃過午飯,再乘個多小時到順德參觀全中國最大的牌坊 – 中華牌坊。

1

其實所謂中華牌坊是順風山公園的入口,想不到公園入面也很漂亮啊﹗

2

牌坊上精美的雕功

3

很喜歡這個不知名的塔

4

穿過牌坊就是一個很大的湖

公園入面左右兩邊各有一個庭園,我們先參觀左邊的庭園

5 6

然後到右邊的庭園

7 8 9

從另一個角度看牌坊

順德是一個富裕的城市,跟早兩天到的山區很不同。這兒的小孩子課餘到公園學踩ROLLER,山區的孩子則在山間表演倒立以換取金錢或擺賣賺取生活,活在同一個國家下但有截然不同的生活,實在有點不舒服的感覺。

10

小孩子在學踩ROLLER

參觀完中華牌坊後,今次旅程就告一段落,我們乘車到順德港乘船回香港。很幸運的是能在碼頭吃到順德特產美味的雙皮奶,YUMMY﹗

回到香港已經是8:00PM了,在中港城的美食廣場吃過晚飯就回家。

11

回到家,天色也已黑黑的了,果然真的是一趟早去晚返的旅程呢﹗

Comments

comments

7 則迴響於《盤龍峽‧金水台溫泉之旅 – DAY 3 – 中華牌坊

  1. 阿恆的取景不錯。三天的照片鋪排也見心思,早去晚返,盡興而歸,照片更有互相呼應的效果呢!
    [版主回覆04/10/2008 22:27:00]他自從買了新相機之後…就很落力影相了…

  2. 我係豬﹗去旅行一上車就訓,最好個導遊千祈咪講o野﹗俾我大覺訓﹗
    搭車耐係耐成點呢﹖
    因為o的景真係好靚,而且唔係咁一般o既景,好值得去咁﹗
    [版主回覆04/10/2008 22:31:00]以我們這個行程計….景點與景點之間都要坐約兩個多小時車囉….

  3. 昕:
    真係好值得去架…不過怕坐長途車..就真係要諗諗…因為真係要坐好耐車…去溫泉果日就連司機都問導遊..呢d地方有冇人去架….
    [版主回覆04/10/2008 09:28:00]如果可以係車上訓得著覺既另計…係車訓下都係休息嘛…

  4. 哈哈…總括黎講…呢幾日真係好好玩…d風景真係好靚…盤龍峽山路一段真係好值得行…一早起身見到咁大霧…就諗山區地方大霧..實咩都睇唔到…點知原來咩叫人間仙景…咪就係咁囉 …最初睇到行程最後一個景點係中華牌坊…諗住係d例排老土影相區(者係d大大隻字表示你去過呢到到此一遊果d) …但係點知..阿牌坊大哥..佢既宏偉既建築…已經令我…. 嘩…(然後唔知講咩好…只係識拎住個影機周圍影)…入左牌坊之後既景色又令我再嘩再一大聲…因為真係好靚…呵呵..唔好見笑 …呢d叫大鄉里出城
    [版主回覆04/10/2008 09:20:00]haha…係呀…最初我都對個中華牌坊無乜好感同埋期望…所以佢反而係最喜出望外呢﹗

  5. roller這個玩意,我差不多十幾年冇玩過囉,記得以前玩的時候我仲係在屯門仁愛堂玩架.
    [版主回覆04/10/2008 09:10:00]係喎…你唔提都唔記得仁愛堂以前有roller場個喎…
    我以前細個都有係屋企樓下玩過..

  6. 團費貴嗎﹖
    我有興趣請我叔叔嬸嬸去一趟旅行呢﹗
    [版主回覆04/09/2008 23:07:00]其實依家去內地旅行團費的浮動很大…相類似的行程如果肯加遊購物點的話…價錢會平好多…
    我地今次完全無購物…所以連小費要$1200一個人左右…不過要留意…去盤龍峽真係要坐好耐車….怕辛苦就唔好試喇…

  7. 用盡時間, 旅遊超值.
    [版主回覆04/08/2008 22:36:00]係呀…雖然坐車辛苦左D…
    今次三日假期…好似仲長過上次四日復活節假期咁呀…可能因為夠晒充實喇…

Agnes 發表迴響 取消回覆

你的電子郵件位址並不會被公開。 必要欄位標記為 *